Rwanda Premier League yatangaje gahunda y’imikino yo kwishyura ya Shampiyona ya 2025/26, aho umukino uba utegerejwe na benshi uhuza APR FC na Rayon Sports washyizwe ku wa 2 Gicurasi 2026.
Uyu mukino uzakinwa ku Munsi wa 29, Rayon Sports ari yo izakira APR FC, mu ihuriro rifatwa nk’irikomeye kurusha ayandi muri ruhago nyarwanda. Mu mikino ibanza, APR FC yari yatsinze Rayon Sports ibitego 3-0, inongera kuyitsinda 4-1 muri FERWAFA Super Cup, bituma umukino wo kwishyura urushaho gutegerezwa.
Imikino yo kwishyura izatangira ku wa 30 Mutarama 2026, mu gihe Shampiyona izasozwa hagati ya 29 na 31 Gicurasi 2026. Umukino wa APR FC na Rayon Sports witezweho kuba umwe mu izagena icyerekezo cy’igikombe cya Shampiyona ya 2025/26.
