FC Barcelone yatsinze Real Madrid ibitego 3-2 mu mukino wa nyuma wa Super Coupe ya Espagne wabereye kuri King Abdullah Sports City muri Arabie Saoudite, mu ijoro ryo ku Cyumweru tariki ya 11 Mutarama 2026.
Uyu mukino watangiye amakipe yombi yigana, mbere y’uko Raphinha afungura amazamu ku munota wa 36.
Vinicius Junior yahise yishyura ku munota wa kabiri w’inyongera w’igice cya mbere. Nyuma y’iminota mike, Robert Lewandowski yatsinze igitego cya kabiri cya Barça, ariko Gonzalo Garcia wa Real Madrid ahita yongera kunganya mbere y’uko igice cya mbere kirangira.
Mu gice cya kabiri, FC Barcelone yakomeje gusatira maze Raphinha atsinda igitego cya gatatu ku munota wa 73, cyahesheje ikipe ye intsinzi. Nubwo Frenkie de Jong yahawe ikarita itukura ku munota wa 90, Real Madrid ntiyabashije kongera kwishyura.
Iyi ntsinzi yahesheje FC Barcelone Igikombe cya 16 cya Super Coupe ya Espagne, ikomeza kwandika amateka muri iri rushanwa.
