Igihugu cya Maroc cyatangajwe nk’icyegukanye igikombe cya CAN 2025 (AFCON), nyuma y’icyemezo cyafashwe n’akanama k’ubujurire ka CAF kavanyeho Senegal igikombe yari yatsindiye.
Mu cyemezo cyafashwe gitunguranye, akanama k’ubujurire k’Impuzamashyirahamwe y’Umupira w’Amaguru muri Afurika (CAF) kasuzumye ubujurire bwari bwatanzwe n’Ishyirahamwe ry’Umupira w’Amaguru rya Maroc (FRMF), gafata umwanzuro wo guhindura icyari cyemejwe mbere n’akanama gashinzwe imyitwarire.
CAF yagaragaje ko imyitwarire y’ikipe y’igihugu ya Senegal mu mukino wa nyuma wa CAN 2025 itari ikwiye, ishingiye ku ngingo ya 82 n’iya 84 z’amategeko agenga iri rushanwa.
Kubera iyo mpamvu, Senegal yahanishijwe gutsindwa uwo mukino wa nyuma ku mpamvu z’ubuyobozi (forfait), bivuze ko itawutsinze mu buryo busanzwe bw’ikibuga.
Ibi byatumye Maroc ihita ihabwa intsinzi n’igikombe, aho amanota y’umukino yashyizwe kuri 3-0 ku nyungu z’iki gihugu cyari cyanakiriye irushanwa.
